سبەی دەست بە وەرگرتنی گەنمی جووتیاران دەکرێت

ئاڤا نیوز 

 

ئامادەکارییەکان بۆ وەرگرتنی گەنمی جووتیارانی هەرێمی کوردستان لە تەواوکراون و سبەی سایلۆکان دەکرێنەوە و دەست بە وەرگرتنی گەنم دەکرێت. 

بۆچی گرنگە: زۆربەی جووتیارانی هەرێمی کوردستان گەنمەکانیان دروێنە کردووە، چاوەڕێی کردنەوەی دەرگای سایلۆکان دەکەن بۆ ئەوەی گەنم ڕادەست بکەن.

 

لێدوانی فەرمی: کەمال موسلیم، وەزیری بارزگانی و پیشەسازیی هەرێمی کوردستان بە ئاڤا نیوزی ڕاگەیاند: سبەی پێنجشەممە 06-06-2024، دەرگای سایلۆیەکان لە هەرێمی کوردستان دەکرێنەوە و پرۆسەی وەرگرتنی گەنمی جووتیاران دەستپێدەکات.

 

شێوازی جێبەجێکردنی: ئامادەکارییەکان تەواوکراون و پڕۆسەی وەرگرتنی گەنمی جووتیارانی هەرێمی کوردستان لە پارێزگاکانی هەولێر، سلێمانی و دهۆک دەستپێدەکات. 

 

ئەوەی پێویستە بیزانیت: هەرچەندە ساڵی ڕابردوو بەغدا 500 هەزار تۆن گەنمی جووتیارانی وەرگرت، بەڵام بۆ ئەمساڵ وەزارەتی کشتوکاڵی هەرێمی کوردستان لەگەڵ بەغدا لەسەر 700 هەزار تۆن گەنم ڕێککەوتوون، بۆ هەر تۆنێک لە گەنم بری 850 هەزار دینار دەدرێتە جووتیاران.