کۆمیسیۆن چاوەڕێی مەرسومی سەرۆکایەتیی هەرێمی کوردستانە

ئاڤا نیوز

 

کۆمیسیۆنی هەڵبژاردنەکانی عێراق ڕایدەگەیێنێت، چاوەڕێی مەرسومی سەرۆکایەتیی هەرێمن بۆ ئەو وادەیەی کۆمیسیۆن پێشنیازی کردووە بۆ بەڕێوەچوونی هەڵبژاردنی پەرلەمانی کوردستان.

 

لێدوانی فەرمی: ئەحمەد مازن، بەڕێوەبەری ڕاگەیاندنی لقی هەولێری کۆمیسیۆنی هەڵبژاردنەکانی عێراق بە ئاڤا نیوزی ڕاگەیاند، لەلایەن کۆمیسیۆنەوە ڕۆژی پێنجی ئەیلوول وەک وادەی بەڕێوەچوونی هەڵبژاردنەکان پێشنیاز کراوە و چاوەڕێی ڕەزامەندی سەرۆکایەتیی هەرێمین بۆ تەواوکردنی ڕێکارەکانی پرۆسەکە.

 

لەلایەکی دیکەوە: سەرۆکوەزیران بارزانی دوێنێ لەمیانی کۆبوونەوەی لەگەڵ باڵیۆزی بەریتانیا جەختی لەسەر بەڕێوەچوونی هەڵبژاردنی پەرلەمانی کوردستان کردەوە لە کاتێکی گونجاوی ئەمساڵدا.

 

خاڵی ئەرێنی: ڕۆژی 2-6-2024 دوا وادەی تۆماری بایۆمەتری کارتی دەنگدان بوو، ئێستاش کۆمیسیۆن لەسەر دابەشکردنی کارتی بایۆمەتری هاونیشتمانییان بەردەوامە.

 

باکگراوند: بڕیاربوو 10-6-2024 هەڵبژاردنی پەرلەمانی کوردستان بەڕێوە بچێت، بەڵام بەهۆی تێبینیەکانی پارتی لەسەر بڕیارەکانی دادگەی فیدراڵی پەیوەست بە کورسیی پێکهاتەکان، لەو وادەیە هەڵبژاردن بەڕێوە ناچێت و کۆمیسیۆن چاوەڕێی بڕیارێکی نوێی سەرۆکایەتیی هەرێمە.