هەڕەشەكانی توركیا و پشتیوانینەکردنی ئەمریكا هەڵبژاردنی شارەوانییەكانی ڕۆژئاوای دواخست

ئاڤا نیوز

 

كۆمیسیۆنی باڵای سەربەخۆی هەڵبژاردنەكانی سووریا، هەڵبژاردنی شارەوانییەكانی بۆ مانگی هەشتی ئەمساڵ دواخست.

 

وێنە گەورەكە: بڕیار بوو ڕۆژی 11ـی حوزەیران، هەڵبژاردنی شارەوانییەكان لە ناوچەكانی ژێر دەستەڵاتی هێزەكانی سووریای دیموكراتدا (هەسەدە) بكرێت، ئەمڕۆ بە هۆی بەردەوامیی بایكۆتی بەشێكی زۆر لە لایەنەكانی ڕۆژئاوا و هەڕەشەكانی توركیا و نەبوونی پشتیوانی ئەمریكا، بۆ مانگی هەشتی ئەمساڵ دواخرا.

 

ئەوەی پێویستە بیزانیت: ڕۆژی چوارشەممە ئاڤا میدیا لە ڕاپۆرتێكی ورد باسی لەوە كرد هەڵبژاردنەكانی ڕۆژئاوای كوردستان دوا دەخرێت، هۆکارەکەشی بۆ ئامادەنەبوونی هێزە سیاسییەكانی ئەو پارچەیەی کوردستان و نەبوونی پشتیوانی ئەمریکا گەڕاندبووەوە.

 

زانیاریی زیاتر: بە پێی بەدواداچوونی ئاڤا میدیا، لە كۆی 32 پارتی سیاسی لە ڕۆژئاوای كوردستان زیاتر لە 19 پارت بایكۆتی هەڵبژاردنەكانی كردبوو و ئەمریكا و توركیاش دژی هەڵبژاردنەكە بوون.