لە سنووری زاخۆ دوو نەخۆشخانە دروست دەکرێن

لە سەنتەری شاری زاخۆ و قەزای باتیفا دوو نەخۆشخانە دروست دەکرێن بە توانای 120 قەرەوێڵە و کارەکانیان دەستپێکراوە.

بۆچی گرنگە: پرۆژەکە فشاری سەر نەخۆشخانەکانی ئێستای زاخۆ بەشێوەیەکی بەرچاو کەم دەکاتەوە و دەبێتە کارئاسانی بۆ هاونیشتمانیان بۆ دەستڕاگەیشتن بە وەرگرتنی چارەسەرە پزیشکییەکان.

لێدوانی فەرمی: سیروان ئەحمەد، بەڕێوەبەری گشتیی تەندروستیی زاخۆ بە ئاڤا نیوزی ڕاگەیاند: پشتگیری حکومەتی هەرێمی کوردستان بۆ کەرتی تەندروستی سنوورەکەیان بەردەوامە و لەو چوارچێوەیەدا دوو نەخۆشخانە دروست دەکرێن.

زانیاریی زیاتر: نەخۆشخانەیەکە لە قەزای باتیفایە کە فریاکەوتنە و 30 قەرەوێڵەیی یە و تاوەکو ئێستا 15%ـی کاری تێدا کراوە، ئەوەی دیکەش نەخۆشخانەیەکەی 90 قەروێلەیی منداڵانە و لە سەنتەری زاخۆ دروست دەکرێت.