پاسێکی گەشتیاریی تورکیا 135 جار سەرپێچی تیژڕۆیی لە هەولێر کردووە

ئاڤا نیوز

 

بەڕێوەبەرایەتیی هاتوچۆی هەولێر ڕایگەیاندووە، سزای پاسێکی گەشتیاری وڵاتی تورکیایان داوە، کە لەماوەی ڕابردوودا 135 جار سەرپێچی تیژڕویی کردووە.

 

وێنە گەورەکە: وەزارەتی ناوخۆی حکومەتی هەرێمی کوردستان لەمساڵەوە سیستەمی کامێرای سەرپێچی خاڵ بۆ خاڵی لە بەشێکی بەرچاوی شەقامە سەرەکییەکانی شارەکان داناوە و بەگوێرەی زانیارییەکانیش، بەشێوەیەکی بەرچاو ڕووداوەکانی هاتوچۆی کەم کردووەتەوە. 

 

لێدوانی فەرمی: هێمن حەمەدەمین، گوتەبێژی هاتووچۆی هەولێر بە ئاڤا نیوزی ڕاگەیاند: دوای ئەوەی بۆمان دەرکەوت پاسێکی ژمارە تورکیا کە گەشتیاران لە هەرێمی کوردستانەوە دەگوازێتەوە بۆ تورکیا، ژمارەیەکی زۆری سەرپێچیی تیژڕۆیی کردووە، نووسراومان بۆ دەروازەی سنووریی ئیبراهیم خەلیل کرد و لەوێ دەست بەسەر پاسەکەدا گیرا.

 

زانیاریی زیاتر: ئەو پاسە بڕی 37 ملیۆن و 900 هەزار دیناری لەسەر بووە، دوای دەستبەسەرداگرتنی لە ئیبراهیم خەلیل گەڕێنراوەتەوە هەولێر و شوفێرەکەی ئەو بڕە پارەیەی داوە و پاسەی ڕادەست کراوەتەوە.