سەرۆکی هەرێمی کوردستان: گرنگە هەڵبژاردن لە کاتێکی گونجاوی ئەمساڵدا بکرێت

ئاڤا نیوز

 

سەرۆکی هەرێمی کوردستان و باڵیۆزی بەریتانیا لە عێراق جەخت لەسەر گرنگیی ئەنجامدانی هەڵبژاردنی پەرلەمانی کوردستان بە بەشداریی سەرجەم لایەن و پێکهاتەکان لە کاتێکی گونجاوی ئەمساڵ دەکەنەوە. 

 

چیرۆکی سەرەکی: نێچیرڤان بارزانی، سەرۆكی هەرێمی كوردستان و باڵیۆزی بەریتانیا لە عێراق كۆبوونەوە و جەختیان لە ئەنجامدانی هەڵبژاردن لە كاتێكی گونجاوی ئەمساڵ کردەوە.

 

وێنە گەورەكە: چەند ڕۆژێک ماوە بۆ ئەو وادەیەی سەرۆكایەتیی هەرێمی كوردستان دیاری كردووە بۆ ئەنجامدانی هەڵبژاردن، تاوەکو ئێستا پارتی ناڕەزایەتیی لە شێوازی بەڕێوەچوونی هەڵبژاردنەكەدا هەیە و كۆمیسیۆنیش داوای لە سەرۆكایەتیی هەرێمی کوردستان كردووە، وادەیەكی نوێ بۆ هەڵبژاردن دیاری بكەن.

 

ڕاگەیێنراوی فەرمی: سەرۆكایەتیی هەرێمی كوردستان لە ڕاگەیێنراوێکدا کە ناوەڕۆکی کۆبوونەوەی سەرۆكی هەرێمی كوردستان و باڵیۆزی بەریتانیا بوو، ئاماژەی بەوە کردووە، ئه‌نجامدانى هه‌ڵبژاردنى په‌رله‌مانى كوردستان به‌ به‌شداريى هه‌موو لايه‌ن و پێكهاته‌كان له‌ كاتێكى گونجاوى ئه‌مساڵدا گرنگە.