ژێردەریاییەکی ئەتۆمیی ڕووسیا لە کوبا جێگیر دەبێت

ئاڤا نیوز

ژێردەریاییەکی ڕووسیا کە بە وزەی ئەتۆم کار دەکات لە ماوەی ڕۆژانی 12 تاوەکو 16ـی حوزەیران، لە کەناراوەکانی کوبا جێگیر دەبێت. 

وێنە گەورەکە: ژێردەریایی 'کازان' لەگەڵ سێ کەشتیی دیکەی ڕووسیا دەگەنە کەناراوەکانی هاڤانای پایتەختی کوبا. 

ڕاگەیێنراوی فەرمی: وەزارەتی هێزە چەکدارە شۆڕشگێڕەکانی کوبا ڕایگەیاند: "هیچ یەک لە کەشتییەکان چەکی ئەتۆمییان پێ نییە، بۆیە وەستانیان لە وڵاتەکەمان نابێتە نیشانەی هەڕەشە بۆ ناوچەکە".

بۆچی گرنگە: جێگیرکردنی ژێردەریایی ڕووسیا لەو وڵاتانەی کە لە ئەمریکا نزیکن، هەنگاوێکی ئاسایی نییە؛ بە تایبەت کە بە هۆی شەڕی نێوان ڕووسیا و ئۆکرایناوە پەیوەندییەکانی نێوان ڕووسیا و ئەمریکا گرژیی زۆریان تێکەوتووە. 

ئەوەی پێویستە بیزانیت: ساڵی 1962، لە میانەی جەنگی سارددا، یەکێتیی سۆڤییەت چەند پێگەیەکی مووشەکە ئەتۆمییەکانی لە دوورگەیەکی کوبا جێگیر کرد کە بووە هۆی سەرهەڵدانی قەیرانێکی گەورە لە نێوان ئەمریکا و یەکێتیی سۆڤیەت.