کوڕێک دەکەوێتە نێو ئاو و باوکی ناتوانێ ڕزگاری بکات

ئاڤا نیوز

 

باوکێک و منداڵەکەی کە خاوەن پێداویستیی تایبەت بووە، بۆ بەسەربردنی کاتێکی خۆش، دەچنە شوێنێکی گەشتیاریی قەزای چۆمان و لە کاتی پەڕینەوە منداڵەکەی دەکەوێتە نێو ڕووبار و خنکا.

 

چیرۆکی سەرەکی: لە سەیرانگەیەکی گەشتیاریی چۆمان. لەو کاتەی باوکێک ویستوویەتی کوڕەکەی لە ڕووبار بپەرێنێتەوە، هەردووکیان کەتوونەتە نێو ڕووبار و منداڵەکە خنکا و باوکەکەش توانی خۆی ڕزگار بکات. 

 

لێدوانی فەرمی: ڕائید رەوەند هاودیانی، گوتەبێژی بەڕێوەبەرایەتیی بەرگریی شارستانیی سۆران بە ئاڤا نیوزی ڕاگەیاند: منداڵەکە تەمەنی 13 ساڵە و خەڵکی هەولێرە، بۆ گەشت لەگەڵ باوکی هاتبووە قەزای چۆمان و توانیمان تەرمەکەی دەربهێنین.

 

باکگراوند: لە سەرەتای ئەمساڵەوە تاوەکو ئێستا، لە سنووری ئیدارەی سۆران ئەمە چوارەم ڕووداوی خنکانە.