حزبوڵڵای لوبنان تاوەرە هەواڵگرییەکانی ئیسرائیل بەئامانج دەکات

ئاڤا نیوز

 

لە سنووری نێوان لوبنان و ئیسرائیل، ژمارەیەک تاوەری گەورە و بەرز لەلایەن حکومەتی تێلئەڤیڤەوە بۆ چاودێریی ورد دانراون، حیزبوڵڵای لوبنانیش دەیانکاتە ئامانج.

 

وێنە گەورەکە: لەوەتەی سەرەتای دەستپێکردنی جەنگی غەززە، حیزبوڵڵای لوبنان دەستیکردووە بەهێرشکردنەسەر ئەو تاوەرانەی ئیسرائیل لەسەر سنووری وڵاتەکەی و لوبنان دایناون.

 

 ئەوەی پێویستە بیزانیت: حزبوڵڵای لوبنان بەردەوام لە باکووری وڵاتەوە، بە مووشەکی بالیستی و درۆن هێرشی کردووەتەسەر سوپای ئیسرائیل و بەگوێرەی توێژینەوەیەک، ئیسرائیل دەیتوانی 99%ـی ئەو مووشەکانە بخاتەخوارەوە و ڕاستەوخۆش شوێنی هەڵدانی مووشەکەکان بکاتە ئامانج.

 

زانیاریی بەدەستهاتوو: حیزبوڵڵای لوبنان پێی وایە ئەو تاوەرانەی ئیسرائیل، سەنتەری کۆکردنەوەی زانیاریی و هەواڵگریین.

 

ئەوەی ئێستا ڕوودەدات: بەگوێرەی لێدوانی چەند شارەزاییەکی سەربازی بۆ میدیا عەرەبییەکان: "بەهۆی تەقاندنەوەی ئەو تاوەرانەوە، سیستەمی بەرگریی سوپای ئیسرائیل، تووشی گرفتی گەورە بووە".