سعوودیە پەیامی خۆشەویستی بۆ کوردستان هەیە

ئاڤانیوز

 

عەبدولمەجید عەبدوڵا، گۆرانیبێژی دیاری سعوودی، گۆرانییەکی بە ناوی "کوردي انا" لەسەر جوانیی سرووشتی کوردستان و خۆشەویستیی کورد بڵاو کردەوە. بەرهەمەکەش هەر زوو دەنگی دایەوە.

 

وێنە گەورەکە: خەڵكی سعوودیە لە ڕێگەی ئەو گۆرانییەوە، لە کۆمێنت پەیامی ڕێز و  خۆشەویستی بۆ خەڵکی کوردستان دەنێرن و کورد بە "برا و خۆشەویستی خەڵکی سعوودیە" ناودەبەن. 

 

بۆچی گرنگە: هونەرمەند عەبدولمەجید عەبدوڵا، بەڕەچەڵەک سعوودییە، بەڵام لە تێکستی گۆرانییەکە دەڵێت: ''کوردم ئەمن"، ئەمەش ئاماژەیەکە بۆ دۆستایەتیی نێوان خەڵکی کوردستان و سعوودیە.

 

کاردانەوەکان: "گەلی کورد شایەنی زۆر لەوە زیاترن". بەشێک لە خەڵکی سعوودیە، کۆمێنتەکانیان وانووسیوە.

 

زانیاریی زیاتر: گۆرانیی "کوردم ئەمن"، لە ماوەی یەک رۆژی بڵاوبوونەوەی دەنگدانەوەیەکی زۆری دروست کرد.