بە سپۆنسەری میدیایی ئاڤا گرووپی کامکاران گەورەترین کۆنسێرت لە هەولێر ساز دەکەن

ئاڤا نیوز

بڕیارە سبەی دووشەممە لەشاری هەولێر گرووپی موزیکی کامکاران گەورەترین کۆنسێرتی گۆرانی و موزیک ساز بکەن، ڤیزت کوردستان سپۆنسەری سەرەکی کۆنسێرتەکەیە و ئاڤا میدیاش سپۆنسەری میدیایی دەبێت.

چیرۆکی سەرەکی: ڕۆژی دووشەممە 13-10-2025، لە هۆڵی سەعد عەبدوڵڵا لە شاری هەولێر، دامەزراوەی ڤیزت کوردستان کۆنسێرتێکی گۆرانی و موزیک بۆ گرووپی کامکاران ساز دەکات.

ئەوەی پێویستە بیزانیت: دوێنی شەممە گرووپی کامکاران بە ئامادەبوونی جەماوەرێکی زۆر لە شاری سلێمانی کۆنسێرتیان ساز کرد.

باکگراوند: گرووپی موزیکی کامکاران لە ساڵی 1965 لە شاری سنە لە ڕۆژهەڵاتی کوردستان دامەزراوە. ئەم گرووپە خێزانییە بە سەرپەرشتی حەسەن کامکار و بە بەشداریی حەوت خوشک و برا، جگە لە ڕۆژهەڵات و باشووری کوردستان و ئێران، لە چەندین وڵاتی جیهاندا کۆنسێرتیان ساز کردووە.