کۆڵۆمبیا هەناردەکردنی بەرهەمێکی ستراتیژی بۆ ئیسرائیل ڕادەگرێت

ئاڤا نیوز 

کۆڵۆمبیا بڕیاریدا، هەناردەکردنی خەڵوز بۆ ئیسرائیل ڕابگرێت، ئەمەش بەهۆی هێرشە بەردەوامەکانی ئیسرائیل بۆ سەر کەرتی غەززە.

بۆچی گرنگە: خەڵوز بۆ ئیسرائیل، سەرچاوەیەکی ستراتیژییە بۆ دروستکردنی چەک و کۆکردنەوەی هێز و ئامادەکردنی پێداویستی بۆ ئۆپەراسیۆنە سەربازییەکان.

لێدوانی فەرمی: گوستاڤۆ پێترۆ، سەرۆکی کۆڵۆمبیا ڕایگەیاند: وڵاتەکەی هەناردەکردنی خەڵوز بۆ ئیسرائیل ڕادەگرێت، وەک ڕێزگرتنێک لە خەڵکی فەلەستین تاو ئەو کاتەی جینۆسایدی ئیسرائیل لە غەززە ڕادەگیرێت.

زانیاریی زیاتر: ئەو ڕێوشوێنە دوای پێنج ڕۆژ لە بڵاوبوونەوەی لە ڕۆژنامەی فەرمیدا جێبەجێ دەکرێت، ئەو کاڵایانە ناگرێتەوە کە پێشتر مۆڵەتی هەناردەکردنی وەرگرتبوو.