چەند بەڵێنێک لە سەرۆکوەزیران بارزانییەوە لە ئاکرێ

ئاڤا نیوز

 

سەرۆکوەزیران بارزانی لە ئاکرێ ڕایگەیاند، "هەموو هەوڵێک دەدەین بۆ ئەوەی بازاڕ بۆ بەرهەمی جووتیارانی هەرێمی کوردستان بدۆزینەوە".

 

وێنە گەورەکە: ئەمرۆ لە ئاکرێ سەرۆکوەزیران بارزانی، بەردی بناغەی دووەم گەورەترین عەلوەی لەسەر ئاستی هەرێمی کوردستان و عێراق دانا، پرۆژەکە بە گوژمەی 22 ملیۆن دۆلار لەسەر ڕووبەری 245 هەزار مەتر دووجا دروست دەکرێت.

 

لێدوانی فەرمی: سەرۆکوەزیران بارزانی، لە گوتارێکدا ڕایگەیاند:" پێشکەوتن لە کوردستان بەردەوامە و دەمانەوێت ئابووری کوردستان هەمەچەشن بکەین، جێگای دڵخۆشییە کە دەبینین هەر ڕۆژە و لە ناوچەیەکی کوردستان بەردی بناغەی پرۆژەکان دادەنرێت، عەلوەی هاوچەرخی ئاکرێ پرۆژەیەکی گرنگە کە دەمانەوێ هەلی کاری زیاتر لێرە بڕەخسینین".

 

ئەوەی پێویستە بیزانیت: سەرۆکوەزیران بارزانی جەختی لەوە کردەوە ڕێگە بە هاوردەکردنی ئەو بەرهەمانە نادەن کە لە هەرێمی کوردستان هەن.

زانیاریی زیاتر: هاوکاری جووتیاران دەکەین بۆ بە بازاڕاکردنی بەرهەمەکانیان، هەروەها لە بەرنامەی حکومەتدایە چەند بەنداوێک دروست بکات و یەکێک لەوانە بەنداوی باکرمان لە سنووری ئاکرێیە، پەرە بە کەرتی پێشەسازی لە ناوچەکە دەدەین. سەرۆكوەزیران بارزانی وای گوت.

 

بۆچی گرنگە: دروستکردنی عەلوەی هاوچەرخی ئاکرێ دەستپێکی شوڕشێکی نوێی سەردەمیانەی بەبازاڕکردن و بەکۆگاکردنی کشتوکاڵ دەبێت لە هەرێمی کوردستان و کاریگەریی دەستبەجێی لەسەر ساغکردنەوەی بەروبوومی جووتیاران دەبێت.