هەرێمی کوردستان دەبێتە ئەندام لە ڕێکخراوی تەندروستیی جیهانی

ئاڤا نیوز

لە ئایندەیەکی نزیکدا کوردستان دەبێتە هەرێمی تۆمارکراو لەپاڵ وڵاتانی دیکە لە ڕێکخراوی تەندروستیی جیهانی.

وێنە گەورەکە: وەزیری تەندروستیی هەرێمی کوردستان لەگەڵ شاندێکی ڕێکخراوی تەندروستیی جیهانی کۆبووەوە و پرسی هاوکاری لۆجستی و دابینکردنی پێداویستیی تەندروستیی بۆ هەرێمی کوردستان تاوتوێ کرا.

لێدوانی فەرمی: د.سامان بەرزنجی لە کۆنگرەیەکی ڕۆژنامەوانیدا گوتی "یاداشتی فەرمیمان پێشکەش کردووە بۆ ئەوەی هەرێمی کوردستان ببێتە هەرێمێکی ئەندام لە ڕێکخراوەکە."

بۆچوونی بەرامبەر: جۆرج ئەلفرێد، بەرپرسی ڕێکخراوەکە لە عێراق ڕایگەیاند، "بەیەکەوە کاردەکەین بۆ پاراستنی کۆمەڵگە لە نەخۆشییە گوازراوەکان و هاوکارییەکان و خزمەتگوزارییەکان لەگەڵ هەرێمی کوردستان بەرز دەکەینەوە."

بۆچی گرنگە: بوون بە ئەندام لە ڕێکخراوەکە هاوکاریی لۆجستی، دابینکردنی پێدوایستی پزیشکی، پاڵپشتی ڕاهێنان و ڕاوێژی پزیشکی زیاتر دەکات.

ئەوەی پێویستە بیزانیت: ڕێکخراوی تەندروستیی جیهانی دەزگایەکی تایبەتی نەتەوەیەکگرتووەکانە،   194 وڵات تێیدا ئەندامن و هاوکارە لە تەندروستیی گشتیی نێونەتەوەیی.