سەرۆکوەزیران بارزانی و فەرماندەی هاوپەیمانان جەخت لە ڕێکخستنەوەی هێزەکانی پێشمەرگە دەکەنەوە

ئاڤا نیوز 

 

سەرۆكوەزیران بارزانی لەگەڵ فەرماندەی گشتیی هێزەكانی هاوپەیمانان لە عێراق و سووریا كۆبووەوە و جەختیان لە ڕێكخستنەوەی هێزەكان پێشمەرگە و پاراستنی ئاسایشی عێراق و هەرێمی كوردستان كردەوە.

 

ڕاگەیێنراوی فەرمی: بەپێی ڕاگەیێنراوی کۆبوونەوەکە هەردوولا جەختیان لە بەردەوامیی پشتیوانیکردنی چاکسازییەکانی وەزارەتی پێشمەرگە و یەکخستنەوەی هێزەکانی پێشمەرگە کردەوە.

 

زانیاریی زیاتر: لە کۆبوونەوەکەدا گرنگی پاراستنی ئاسایش و سەقامگیریی عێراق و هەرێمی کوردستان و بەهێزکردنی هەماهەنگیی و هاریکاریی نێوان هێزی پێشمەرگە و سوپای عێراق لەگەڵ هێزەکانی هاوپەیمانان بۆ ڕووبەڕووبوونەوەی هەڕەشە و مەترسییەکان داعش باس کرا.

 

بۆچی گرنگە: هاوپەیمانان ئێستا مەشق و ڕاهێنان بە هێزەكانی پێشمەرگەی كوردستان دەكەن و ڕۆڵێكی كاریگەرییان هەیە لە ڕێكخستنەوەی هێزەكانی پێشمەرگە.