داعش لە ناوخۆی ئەمریكا مەترسی دروست دەکات

ئاڤا نیوز - ڕاپۆرت

گەورە سیناتۆرێكی ئەمریكا داوای زانیاری و بەدواداچوونی ورد دەكات لەبارەی ئەو مەترسییانەی  بەهۆی داعشەوە لە سنوورەكانی ئەمریكا دروست بوون.

 
وێنە گەورەكە: لە ماوەی ڕابردوودا چەندین كردەوەی"تێكدەرانە" لەنێو ئەمریكا ڕوویان داوە، بەرپرسانی ویلایەتە جیاوازەكان دەڵێن، ئەمە کاری داعشبوون، لیندسی گراهام، گەورە سیناتۆری ئەمریكا داوا لە سەرۆكی ئەنجوومەنی پیران دەكات، زانیاریی تەواوەتی بدات لەسەر ئەو زنجیرە هێرشە یەک لەدوایەكانەی كە كاریگەرییان لەسەر دۆخی ناوخۆی ئەمریكا هەبووە.

 

لێدوانی فەرمی: لیندسی گراهام لە نووسراوێكی فەرمیدا كە بۆ سەرۆكی ئەنجوومەنی پیرانی ئەمریكای ناردووە داوا دەكات، زانیاریی ورد لە بارەی هەڕەشەكانی داعش لە سنوورەكان بدرێت بە سیناتۆرەكان.

 

چی ڕوویدا: لە ماڵی ڕۆژنامەنوسێک لە ئەمریكا تەرمی بارمتەیەكی ئیسرائیلی دۆزرایەوە، ئەمەش مەترسییەكی گەورەی لە ناو خەڵكی دروستكردووە.

 

ئەوەی پێویستە بیزانیت: گراهام داوا لە سەرۆكی ئەنجوومەنی پیران دەكات، كۆبوونەوەیەكی تایبەت لە ژووری یاساداناندا ببەستن بۆ قسەكردن لەسەر مەترسییەكانی داعش لە ئەمریكا بەتایبەتی لە سنوورەكانی باشووری وڵاتەوە.

 

زانیاریی بەدەستهاتوو: گراهام دوای كۆبوونەوەی نهێنی و خێرا و بەپەلەی كردووە بۆ گفتوگۆكردن لەسەر دۆخەكە.

 

ئەمەش بزانە: گراهام لە نامەكەیدا دەڵێت، بەهۆی كشانەوەی شەرمەزارانەی جۆ بایدن لە ئەفغانستان و شكاندنی سیاسەتی سنوورەكان، هێرشی بێشوماری كوشندە ڕوویان لە ئەمریكا كردووە.

 

باگکراوند: پۆلیسی نیویۆڕك دەستگیركردنی هەشت هاووڵاتیی تاجیكستانی لە نیویۆڕک، لۆس ئەنجلۆس و فیلادلفیا ڕاگەیاند، بە گومانی كردەوەی "داعش"ـانە، ئەمانە بە نایاسایی چوونەتە ناو خاكی ئەمریكاوە.