وەزیرانی دەرەوەی ئێران و سعودیە پەیوەندییەکی تەلەفۆنی ئەنجام دەدەن

ئاڤا نیوز

عەلی باقری کنی، سەرپەرشتیاری وەزارەتی دەرەوەی ئێران پەیوەندییەکی تەلەفۆنی لەگەڵ فەیسەڵ بن فەرحان، وەزیری دەرەوەی سعودیە ئەنجام دا. 

وێنە گەورەکە: ئەم پەیوەندییە لەکاتێکدایە کە شەڕی غەززە زیاتر لە هەشت مانگە بەردەوامە، هەردوو لایەنی ئێرانی و سعودی جەخت لە هەوڵەکان بۆ سەقامگیریی ناوچەکە دەکەنەوە. 

زانیاریی بەدەستهاتوو: پەیوەندییە تەلەفۆنییەکە تایبەت بووە بە گفتوگۆکردن سەبارەت بە ڕەهەندە جیاوازەکانی هاوکاریی دوو لایەنەی نێوان ئێران و سعودیە و ئەو بابەتانەی کە بۆ هەر دوو لا جێگەی بایەخن. 

ئەوەی پێویستە بیزانیت: سەرپەرشتیاری وەزارەتی دەرەوەی ئێران ڕۆژی پێنجشەممە، 13-06-2024 بە سەردانێک گەیشتە بەغدای پایتەختی عێراق و بڕیارە ڕۆژی هەینی، 14-06-2024، لە هەولێر لەگەڵ بەرپرسانی هەرێمی کوردستان کۆ ببێتەوە.