چۆن خۆت لە زیانەكانی خۆڵبارین دەپارێزیت؟

ئاڤا نیوز

یەکێک لە دیاردەکانی گۆڕانی کەش و هەوا بریتییە لە خۆڵبارین، مرۆڤ ڕووبەرووی گرفتی تەندرستی دەکاتەوە و پزیشکانیش چەند ڕێگەیەک بۆ خۆپارێزی دەخەنە ڕوو.

وێنە گەورەکە: خۆڵبارین دیاردەیەکی تاڕادەیەک سرووشتییە و دەشکرێت دەستکردبێت، لە هەردوو کاتدا، زیانێکی گەورە بە تەندروستی مرۆڤ دەگەیێنێت، بۆ ئەوەی تووشی گرفت نەبیت و تەندروستییەکی باشترت هەبێت پێویستە لەکاتی خۆڵباریندا چەند ڕێنماییەک جێبەجێبکەیت.

ئەوەی پێویستە بیزانیت: ڕێنماییەکان بۆ خۆپارێزی لە خۆڵبارین:-
- ئەو کەسانەی بە هۆکاری دەوام ناچارن بڕۆنە دەرەوە پێویستە لەکاتی خۆڵباریندا دەمامک بەکاربهێنیت.
-    ئەو کەسانەی نەخۆشی هەستیاری و ڕەبۆیان هەیە نابێت بچنە دەرەوە
-    بەهیچ شێوەیەک ڕێگە بە منداڵەکەت مەدە ڕۆژی خۆڵبارین بچێتە دەرەوە
-    لەکاتی لێخوڕینی ئۆتۆمبێلدا پەنجەرەی ئۆتۆمبلەکەت مەکەرەوە
-    لەڕۆژانی خۆڵباریندا هەرگیز لە دەرەوە وەزش مەکە و ڕامەکە
-    لە ڕۆژانی خۆڵباریندا سەوزەو و میوە بخۆ
-    پەنجەرە و دەرگای ماڵەکەت دابخە

ئەمەش بزانە: ساڵانە لە جیهاندا سەدان کەس بەهۆی خۆڵبارین و تەپوتۆزەوە تووشی نەخۆشی و تەنگەنەفەسی دەبن.