عەلی باقری: ئاسۆیەکی پڕشنگدار لە پەیوەندییەکانی تاران و هەولێر دەبینین

ئاڤا نیوز

 

سەرپەرشتیاری وەزارەتی دەرەوەی ئێران ڕایگەیاند، پێداگری لەسەر پتەوکردنی پەیوەندییە ئابوورییەکانمان لەگەڵ هەرێمی کوردستان و فراوانکردنیشیان دەکەینەوە.

 

وێنە گەورەکە: ئەمڕۆ 14-6-2024، عەلی باقری سەرپەرشتیاری وەزارەتی دەرەوەی ئێران و شاندی یاوەری بە سەردانێک گەیشتنە هەولێر و یەکەم دیداریان لەگەڵ سەرۆکوەزیران بارزانی بوو.

 

لێدوانی فەرمی: عەلی باقری دوای کۆبوونەوەی لەگەڵ سەرۆکوەزیران بارزانی ڕایگەیاند: پێداگیری لەسەر پتەوکردن و پەرەپێدانی پەیوەندییە ئابوورییەکان و بەربەستەکانی پێشی لەگەڵ هەرێمی کوردستان و عێراق دەکەینەوە، پێیان ڕاگەیاندین کە بەربەستەکان لادەبرێن بەم جۆرەش ئایندەی بەردەم هاوکارییەکانمان باش دەبێت.

 

زانیاریی زیاتر: عەلی باقری ئاماژەی بەوەش کرد، هەرێمی کوردستان ساڵانی ڕابردوو زۆر هاوکاریی زیارەتکارانی ئەربەعینی کردووە و بە ناوی گەلی ئێرانەوە سوپاسگوزارین، داوا دەکەین بۆ ئەمساڵیش ئاسانکارییان بۆ بکات، چونکە ژمارەی زیارەتکارانی ئەمساڵ زۆر زیاترە.