جێگری سەرۆكوەزیران و سەرپەرشتیاری وەزارەتی دەرەوەی ئێران كۆبوونەوە

ئاڤا نیوز

جێگری سەرۆكوەزیرانی حكومەتی هەرێمی كوردستان و سەرپەرشتیاری وەزارەتی دەرەوەی ئێران لە سلێمانی كۆبوونەوە.

ئەوەی پێویستە بیزانیت: هەردوولا بە گرنگییەوە باسیان لە پەیوەندیی مێژوویی نێوان هەرێمی کوردستان و ئێران کرد و جەختیان کردەوە لەسەر پێویستی کاری هاوبەش بۆ پتەوکردنی پەیوەندییەکان لەبوارە جیاجیاکاندا.

زانیاریی زیاتر: هەریەكە لە قوباد تاڵەبانی، جێگری سەرۆكی ئەنجوومەنی وەزیرانی هەرێمی كوردستان، هەڤاڵ ئەبوبەكر، پارێزگاری سلێمانی، شاڵاو کۆسرەت رەسوڵ، ئەندامی مەکتەبی سیاسی یەکێتی و دابان شەدەڵە، جێگری بەرپرسی فەرمانگەی پەیوەندییەکانی دەرەوەی هەرێمی كوردستان  و ژمارەیەک لە بەرپرسانی دیکە لە فڕۆکەخانەی نێودەوڵەتیی سلێمانی پێشوازییان لە عەلی باقری كرد.

 

وێنە گەورەكە: شاندێكی باڵای كۆماری ئیسلامی ئێران بەسەرۆكایەتی عەلی باقری سەرپەرشتیاری وەزارەتی دەرەوەی ئێران سەردانی عێراق و هەرێمی كوردستانی كرد و لەگەڵ سەرۆكی هەرێمی كوردستان و سەرۆكوەزیران بارزانی و سەرۆك بارزانی كۆبووەوە.