عێراق و ئۆکراینا لەسەر دروستکردنی لیژنەیەکی هاوبەش ڕێکكەوتن

ئاڤا نیوز 

 

هەردوو وەزیری دەرەوەی عێراق و ئۆکراینا کۆبوونەوە، لەسەر دروستکردنی لیژنەیەکی هاوبەشی نێوانیان، بۆ پەرەپێدانی پەیوەندییەکانیان ڕێکەوتن.

 

وێنە گەورەکە: لە میانی کۆنفرانسی ئاشتی بۆ ئۆکرانیا کە لە هاوینەهەواری برۆکنشتۆک لە شاری لوتسیرنی سویسرا بەڕێوەدەچێت، فوئاد حوسێن، جێگری سەرۆکوەزیران و وەزیری دەرەوەی عێراق لەگەڵ دیمترۆ کۆلیبا، وەزیری دەرەوەی ئۆکراینا کۆبووەوە.

 

ڕاگەیێنراوی فەرمی: وەزارەتی دەرەوەی عێراق ڕایگەیاند: فوئاد حوسێن، جێگری سەرۆکوەزیران و وەزیری دەرەوەی عێراق لەگەل هاوتا ئۆکراینیەکەی لەبارەی جەنگی ئۆکراینا و کۆتاییهێانی گفتوگۆیان کرد.

 

زانیاریی زیاتر: هەردوولا گفتوگۆیان لەسەر پەرەپێدانی پەیوەندییەکان نێوانیان کرد بەتایبەتی لە بواری ئابووری و سیاسی و لەسەر دروستکردنی لیژنەیەکی هاوبەشی نێوانیان کە کۆبوونەوەکانیان ئەمساڵ لە بەغدا بەڕێوەبچێت، ڕێکكەوتن. وەزارەتی دەرەوەی ئەوەشی ڕاگەیاندووە.