هەنییە: بۆ ڕێككەوتنێكی گشتگیر ئامادەین

ئاڤا نیوز

 

سەرۆكی مەكتەب سیاسیی حەماس دەڵێت، ئامادەن بۆ ڕێككەوتنێكی گشتگیر كە ئاگربەست، كشانەوەی ئیسرائیل و ئاوەدانكردنەوەی کەرتی غەززەی تێدابێت.

 

وێنە گەورەكە: دوای ئەوەی جۆ بایدن سەرۆكی ئەمریكا پێشنیازێكی بۆ ئاگربەست ڕاگەیاند، هەریەكە لە ئیسرائیل و حەماس پێشوازیان لێكرد بەڵام سەركردەكانی بزوتنەوەكە دەڵێن، بە مەرجی گشتگیربوونی ڕێکەوتنەکە پێشنیازەکەی سەرۆکی ئەمریکا قبووڵ دەکەن.

 

لێدوانی فەریمی: ئیسماعیل هەنییە، سەرۆكی مەكتەب سیاسیی بزوتنەوەی حەماس ڕایگەیاند:” ئامادەن بۆ ڕێککەوتنێکی گشتگیر کە ئاگربەست، کشانەوەی ئیسرائیل، ئاوەدانکردنەوە و گۆڕینەوەی دیلەكان لەخۆ بگرێت، كە هاوتەریبن لەگەڵ پلانەکەی جۆ بایدنی سەرۆکی ئەمریکا.

 

ئەمەش بزانە: ئەم لێدوانەی هەنییە لە كاتێكدایە یەكەم ڕۆژی جەژنی قوربان سوپای ئیسرائیل ئاگربەستێكی كاتیی و "تاكتیكی" لە باشووری غەززە ڕاگەیاند.