نەتانیاهۆ حکومەتی ئیدارەی جەنگی هەڵوەشاندەوە

ئاڤا نیوز 

 

سەرۆكوەزیرانی ئیسرائیل لەژێر فشاری ئەمریكا و فشارە ناوخۆییەكاندا وەزارەتی ئیدارەی جەنگی هەڵوەشاندەوە.

 

وێنە گەورەكە: سێ مانگە ئاڵۆزییەكی گەورە لە ناوخۆی ئیسرائیل هەیە و لە دەرەوەش فشارێكی گەورەی لەسەرە بۆ ئەوەی شەڕ لە كەرتی غەززە ڕابگرێت و دۆخی ناوخۆ چارەسەر بكات، ئاڵۆزییەكان كەم بكاتەوە، ئەمەش بووە هۆی ئەوەی بە ناچاری حكومەتی ئیدارەی جەنگ هەڵبوەشێنێتەوە.

 

ئەوەی پێویستە بیزانیت: بڕیارەکەی ئێستای نەتانیاهۆ تاڕادەیەكی زۆر چاوەڕوان كراوبوو، چونكە پێشتر وەزیری ئاسایشی نیشتیمانی وەزیری دارایی داوایان كردبوو حكومەتەكە هەڵبوەشێنرێتەوە.

 

بۆچی گرنگە: ئەم بڕیارەی نەتانیاهۆ هۆكارێک دەبێت بۆ زیاتركردنی ئاڵۆزییەكانی ناوخۆی ئیسرائیل.

 

باكگراوند: لە سەرەتای دەستپێكردنی شەڕ لەنێوان بزووتنەوەی حەماس و سوپای ئیسرائیل، ئاڵۆزییەكانی ناوخۆی ئیسرائیل زیاتر بوون و هەریەكە لە نەتانیاهۆ و بێنی گانتز یەكتر تۆمەتبار دەكەن بە فەرامۆشكردنی دۆخەكە.