بەهۆی ئاگرکەوتنەوە لە نەخۆشخانەیەکی ئێران نۆ کەس گیانیان لەدەست دا

ئاڤا نیوز

بە هۆی ڕووداوێکی ئاگرکەوتنەوە لە نەخۆشخانەی قائیم لە شاری ڕەشت لە باکووری ئێران، لانیکەم نۆ کەس گیانیان لەدەست دا.

لێدوانی فەرمی: ئیسماعیل سادقی نیارکی، سەرۆکی داواکاری گشتیی گیلان ڕایگیاند: "هەشت لەو کەسانەی گیانیان لەدەست داوە ئەو نەخۆشانە بوون کە لە بەشی چاودێریی ورد خەوێنرا بوون، هێشتا هۆکاری کەوتنەوەی ئاگرەکە دیار نییە و لێکۆڵینەوە لەو بارەوە دەستی پێکردووە". 

ئەوەی پێویستە بیزانیت: ئاگرکەوتنەوەکە کاتژمێر 1:30 خولەکی بەرەبەیان ڕوویداوە و دوای سێ کاتژمێر توانراوە کۆنترۆڵ بکرێت.

زانیاریی زیاتر: نەخۆشانی ناو نەخۆشخانەکە بۆ نەخۆشخانەکانی دیکە گواستراونەتەوە و ژمارەیەکیشیان ڕەوانەی ماڵەوە کراون.