زیاتر لە 300 حاجیی میسر لە مەککە گیانیان لەدەست داوە

ئاڤا نیوز

 

بەگوێرەی هەواڵی ئاژانسی فرانس پرێس، 323 حاجی وڵاتی میسر بەهۆی گەرماوە لە کاتی بەجێگەیاندنی فەریزەی حەج لە مەککە گیان لەدەست داوە.

 

وێنە گەورەکە: دوو دیپلۆماتکاری عەرەبی هەماهەنگی وەڵامەکانی وڵاتەکانیان بە ئاژانسی فرانس پرێس ڕاگەیاندووە، لانیکەم 323 حاجی خەلکی میسر لە کاتی حەج لە ڕۆژئاوای سعودیە گیانیان لەدەست داوە.

هۆکارە زانراوەکان: هەموویان بەهۆی گەرماوە گیانیان لەدەست داوە جگە لە یەکێک کە لە کاتی مانەوەی لەنێو قەرەباڵغیدا بە سەختیی بریندار بووە و دواتر گیانی لەدەست داوە.

 

زانیاریی زیاتر: ئەو ئامارە لە مردووخانەی نەخۆشخانەکانەوە هاتووە لە گەڕەکی ئەلموعەیسم لە مەککە.

 

باکگراوند: ژمارەی حاجیانی ئەمساڵ گەیشتووەتە ملیۆنێک و 833 هەزار و 164 حاجی کە لەنێویاندا یەک ملیۆن و 611 هەزار و 310 ملیۆن حاجی لە دەرەوەی شانشینی سعودیەوە هاتوون.