شەمەندەفەری چینی بە یەک هەفتە دوو ملیۆن حاجییان گواستووەتەوە

ئاڤا نیوز

کۆمپانیای CRCCی شەمەندەفەری چینی ڕایگەیاند، لەماوەی حەجی ئەمساڵ لە سعودیە توانیویانە بە حەوت ڕۆژ زیاتر لە دوو ملیۆن حاجی بگوازنەوە.

وێنە گەورەکە: ئەمساڵ زیاتر لە ملیۆنێک و 833 هەزار حاجی لەوڵاتانی جیهانەوە چوونەتە سعودیە بۆ بەجێهێنانی فەریزەی حەج.

ڕاگەیێنراوی فەرمی: کۆمپانیای CRCCی چینی، ڕایگەیاند: لەماوەی حەوت ڕۆژدا توانیویانە زیاتر لە دوو ملیۆن سەرنشین لەشاری مەککەوە بگوازنەوە بۆ شوێنە پیرۆزەکان، بەبێ ئەوەی هیچ ڕووداوێک ڕووبدات.

زانیاریی زیاتر: بۆ ماوەی 158 کاتژمێر لەژێر 51.8 پلەی گەرمی شاری مەککە، توانراوە دوو هەزار و 206 گەشتی شەمەندەفەر ئەنجام بدرێت.

ئەوەی پێویستە بیزانیت: سیستەمی شەمەندەفەری کۆمپانیای CRCCی چینی لە ساڵی 2010 لە سعودیە دامەزراوە.