تەرمی كۆچبەرانی كورد دوای پشكنینی "دی ئێن ئەی" دەگەڕێنرێنەوە

ئاڤا نیوز

بە گوتەی نوێنەری حكومەتی هەرێمی كوردستان لە ئیتاڵیا دوای بڕیاری داواكاری گشتی ئیتاڵیا تەرمی كۆچبەرە كوردەكان بۆ هەرێمی كوردستان دەگەڕێنرێتەوە.

چیرۆكی سەرەكی: ڕۆژی 17-6-2024 میدیای ئیتاڵیا بڵاویکردەوە کەشتیوانێکی فەرەنسی پۆلیسی ئیتاڵیایان ئاگادارکردووەتەوە و هەواڵی نوقمبوونی بەلەمێکی کۆچبەران لە کەناراوەکانی ئیتاڵیا هەیە، دوای بەدواداچوون دەرکەوت ژمارەیەکی زۆر لە کۆچبەرانی سەر بەلەمە تێکشکاوەکە کورد بوون.

وێنە گەورەكە: دوای ژێرئاوكەوتنی بەلەمەكە، شاندێكی حكومەتی هەرێمی كوردستان بەفەرمانی سەرۆكوەزیران بارزانی گەیشتە ئیتاڵیا و خەرجی گەڕانەوەی سەرجەم تەرمەكانی لە ئەستۆگرت.

ئەوەی ئێستا ڕوودەدات: تا ئێستا 35 تەرم دۆزراونەتەوە، لەژێر دەستی پزیشكی دادوەری ئیتاڵیادان بۆ تێستی "دی ئێن ئەی" و بەفەرمانی داواکاری گشتی ئیتاڵیا تەرمەكان دوای شیكاری پزیشكی  ڕادەستی كەسوكاریان دەكرێنەوە.

لێدوانی فەرمی: ڕێزان حەمەساڵح، نوێنەری حكومەتی هەرێمی كوردستان لە ئیتاڵیا بە ئاڤا نیوزی گوت:"چاوەڕێی داواكاری گشتین تەرمەكانمان ڕادەستبكات و بیانگێڕینەوە بۆ هەرێمی كوردستان".