سەرۆکی ڕاوێژکارانی ئیدارەی کەرکووک لە پۆستەکەی دوورخرایەوە

ئاڤا نیوز 

بە بڕیاری سەرۆکوەزیرانی عێراق، عیماد دەهام لە پۆستی سەرۆکی دەستەی ڕاوێژکارانی ئیدارەی کەرکووک دوورخرایەوە و ناوی دەستەکەش گۆڕا.

نووسراوی فەرمی: بەپێی نووسراوێكی فەرمی نووسینگەی محەممەد شیاع سوودانی، سەرۆكوەزیرانی عێراق کە دەست ئاڤا نیوز کەوتووە: عیماد دەهام، لە پۆستی سەرۆکی دەستەی ڕاوێژکارانی ئیدارەی کەرکووک دوورخرایەوە و ناوی بەشەكەش لە دەستەی ڕاوێژکارانەوە گۆڕا بۆ دەستەی ڕاوێژكاری.

زانیاریی زیاتر: لە نووسراوەکەدا کە واژۆی عەلی رزوقی لامی، بەڕێوەبەری نووسینگەی سەرۆکوەزیرانی لەسەرە، بڕیارەکە دوای پێکهێنانی لیژنەیەکی لێکۆڵینەوە بووە و سەرۆکوەزیرانیش  کۆنووس و ڕاسپاردەی لیژنەکەی پەسەند کردووە.

زانیاریی بەدەستهاتوو: لە نووسراوەكەدا هۆكاری هەڵوەشاندنەوەی پۆستەكەی عیماد دەهام ڕوونکراوەتەوە و ئاماژە بەوە کراوە "پێچەوانەیە لەگەڵ ماددەی 34 ی یاسای پارێزگاكانی ژمارە 21 ی ساڵی 2008".