ماریا هەورامی پەلە لە کاری داهاتوویدا ناکات

ئاڤا دیجیتاڵ

ماریا هەورامی، هونەرمەندی گۆرانیبێژ ماوەیەک بێدەنگ دەبێت و کاری هونەری ناکات، لە دروستکردنی بەرهەمی نوێی هونەری پەلەی نییە. 

 

لێدوانی فەرمی: ماریا هەورامی قسەی بۆ ئاڤا نیوز کرد و دەڵێت: "ئێستا سەرقاڵی ژیانی تایبەتی خۆمم، کاتەکانم بۆ وەرزشکردن و کاروباری ژیانی ڕۆژانە تەرخان کردووە، پەلە ناکات لەپێناو بەردەوامی".

 

‎ئەوەی پێویستە بیزانیت: سەبارەت بە بەرهەمی نوێ، بەمنزیکانە ماریا بەرهەمی نوێی دەبێت و ئەو دەڵێت: لە هەموو کارەکانمدا حەز و ئارەزووی من بووە کە خزمەتێکی باشی هونەری هەورامان بکەم و بە پێی توانا هەوڵم داوە بە هاوکاریی ئاریۆس حەمەسەعید، ئەو ڕەنگدانەوەیە دروست بکەین".

 

باکگراوند: ماریا کەمال مستەفا، ئێستا تەمەنی 34 ساڵە و یەکێکە لە خانمە هونەرمەندەکانی کوردستان کە دەرچووی بەشی مۆسیقای پەیمانگەی هونەرە جوانەکانی سلێمانییە، ماوەی زیاتر لە 14 ساڵە گۆرانی دەڵێت.