سیناتۆرێکی ئەمریکا: سەرۆکی ئەنجوومەنی دادوەری عێراق داردەستی ئێرانە

ئاڤا نیوز 

سیناتۆرێکی ئەمریکی هێرش دەکاتە سەر سەرۆکی ئەنجوومەنی دادوەریی عێراق، بە داردەست و ئامرازی ئێران بۆ ملکەچکردنی دەوڵەتی عێراق  ناوی دەبات.

وێنە گەورەکە: فایەق زێدان لە ساڵی 2017ەوە سەرۆکی ئەنجوومەنی باڵای دادوەریی عێراقە، لە لایەن سیناتۆرێکی ئەمریكاوە تۆمەتبار دەکرێت بەوەی داردەستی ئێرانە و ڕێگە بۆ ئێران خۆش دەکات هەژموونی خۆی زیاتر بەسەر عێراقدا بسەپێنێت.

ڕاگەیێنراوی فەرمی: مایک واڵتز، ئەندامی کۆنگرێسی ئەمریکا لە تۆڕی "ئێکس" ڕایگەیاند: "فایەق زێدان، سەرۆکی ئەنجوومەنی باڵای دادوەری عێراق، لە ناوەڕاستی پیلانی ئێراندایە بۆ گۆڕینی عێراق بۆ دەوڵەتێکی بەکرێگیراو".

زانیاریی زیاتر: مایک واڵتز ئاماژە بەوەش دەکات، "هەنگاوی یەکەمی هەڵوەشاندەوەی تۆڕی هەژموونی ئایەتوڵا ئەوەیە بە ڕوونی باس لەوانە بکرێت کە فەرمانەکانی جێبەجێدەکەن" ( مەبەستی فایەق زێدانە).