سەرۆکی شارەوانی: پڕۆژەکانی هەڵەبجە لەنزمەوە گەیشتوونەتە قۆناغی بەرز

ئاڤا نیوز

بە گوتەی سەرۆكی شارەوانی هەڵەبجە، ئەو پارەیەی لە کۆتایی ئەم هەفتەیە بۆ شارەوانی هەڵەبجە تەرخانکراوە، قۆناغی پڕۆژەکانی هەڵەبجە دەگەیەنێتە پلەیەکی بەرز.

وێنە گەورەکە: ڕۆژی 22ی شوباتی ئەمساڵ سەرۆکوەزیران بارزانی سەردانی پارێزگای هەڵەبجەی کرد، چەند بڕیار و پڕۆژەیەکی بۆ ئەو پارێزگایە ڕاگەیاند.

لێدوانی فەرمی: سەلام بیلال، سەرۆکی شارەوانی هەڵەبجە بە ئاڤا نیوزی گوت: ئەو پارەیەی لەلایەن سەرۆکوەزیران بارزانی تەرخانکراوە، بڕەکەی 557 ملیار دینارە، بڕیارە لەسەر سێ ئاست پڕۆژەی پێ ئەنجام بدرێت.

زانیاريی زیاتر: "ئەو پارەیە بۆ قیرتاوکردن و سەوزکردنی شەقامی سەرەکی شار و 12 پڕۆژەی دیکەی ئاوەڕۆ و دروستکردنی باخچە لەگەڵ ماستەرپلانی هەڵەبجەیە" سەلام بیلال ئەمەی گوت.

ئەوەی پێویستە بیزانیت: لە ڕابردوودا شارەوانی هەڵەبجە بەهۆی نەبوونی بودجەی پێویست بۆ پڕۆژەکانی، بۆ دووجار نزیکەی 56 پارچە زەوی ڕوکنی فرۆشت.