پرۆسەی جیاکردنەوەی دەنگەکان لە هەندێک ناوچەی ئێران دەستیپێکرد

ئاڤا نیوز

 

پڕۆسەی جیاکردنەوەی دەنگەکان، لە چەندین ناوچەی دوورەدەستی ئێران دەستیپێکرد، لە ناوچەکانی دیکەش تا کاتژمێر 12ی شەو دەنگدان بەردەوامە.

 

ئەوەی پێویستە بیزانیت: لە 270 گوندی ئێران و لە چەند کۆمەڵگەیەک هەڵمەتی هەڵبژاردنەکان تەواو بوو، جیاکردنەوەی دەنگەکان دەستیپێکرد و پێدەچێت پێش کاتژمێر 12سەرجەم دەنگەکان جیابکرێنەوە.

 

لێدوانی فەرمی: موحسین ئیسلامی، گوتەبێژی سەرتاسەری کۆمسیۆنی باڵای سەربەخۆی هەڵبژاردنەکانی ئێران ڕایگەیاند: لە 189 گوند و بنکەی بچووک لە ناوچە دوورەدەستەکانی ئێران، دەستکراوە بەجیاکردنەوەی دەنگەکان.

 

زانیاریی زیاتر: "ئەو ئامارانەی لە میدیاکاندا و لە سۆشیاڵ میدیاکاندا بڵاودەکرێنەوە، پشتڕاستیان ناکەینەوە و ئەنجامی بەرایی لە لایەن ئێمەوە ڕادەگەیێنرێن". ئیسلامی وای گوت.