ئەردۆغان دەچێتە ئەمریکا

ئاڤا نیوز 

ڕەجەب تەیب ئەردۆغان، سەرۆککۆماری تورکیا بۆ شداریکردن لە لوتکەی ناتۆ کە بڕیار وایە 9-11 تەممووز لە ئەمریکا بکرێت بەرەو ئەمریکا بەرێکەوت.

بۆچی گرنگە: بە پێی کارنامەی سەردانەکە، ئەردۆغان لە کۆشکی سپی لەگەڵ جۆ بایدنی سەرۆکی ئەمریکا کۆدەبێتەوە، ئەمەش دوای ئەوەی لە ماوەکانی ڕابردوو سەردانەکەی ئەردۆغان بۆ کۆشکی سپی بە هۆكارێكی نادیار دواخرا.

وێنە گەورەکە: ڕێکخراوی پەیمانی باکووری ئەتڵەسی (ناتۆ) کە ئەمساڵ تەمەنی دەبێتە 75 ساڵ، لە ڕۆژانی 9-11ی تەمموزدا لە واشنتن کۆدەبێتەوە.

ئەوەی پێویستە بیزانیت: پرسی ئاگربەستی غەززە و گەیاندنی هاوکارییەکان بۆ ئەو کەرتە، شەڕی ئۆکراینا و ڕووسیا بابەتە سەرەکییەکانی کۆبوونەوەی لوتکەکە دەبن.

باکگراوند: لە چواری نیسانی 1949دا 12 وڵات لە ئەوروپا و ئەمریکای باکوور ناتۆیان دامەزراند بۆ ئەوەی مەترسییەکانی سۆڤیەت کۆنتڕۆڵ بکەن. لەو ڕۆژەوە ژمارەی وڵاتانی ئەندام لە ناتۆ  بۆ 32 وڵات زیادی کردووە.