سوێد مەرجەکانی کۆچبەری تووند دەکاتەوە

ئاڤا نیوز

 

حکومەتی سوێد دەیەوێت مەرجەکانی ژمارەی ئەندامانی خێزان تووند بکاتەوە بۆ ئەوەی لە ستانداردە ئەوروپییەکان نزیک بێتەوە، ئەمەش هەنگاوێکە بۆ کەمکردنەوەی ڕێژەی کۆچبەران.

 

چیرۆکی سەرەکی: حکومەتی سوێد پێداچوونەوە بە یاساکانی کۆچبەری دەکات و هەمواری دەکاتەوە، بەپێی زانیارییەکانیش یاساتت نوێ تووندتر دەبێت. 

 

لێدوانی فەرمی: ماریا مالمەر شتاینەرگارد، وەزیری کۆچبەری سوێد ڕایگەیاند: مافی ژیانی خێزانی، مافێکی بنەڕەتییە، بەڵام پێویستە ژمارەی ئەندامانی خێزان بۆ ئەوانەی داوای مافی وڵاتینامە دەکەن، ڕێک بخرێتەوە.

 

لەلایەکی دیکەوە: لودویگ ئاسپلینگ، گوتەبێژی دیموکراتەکانی سوێد و بەرپرسی کاروباری کۆچبەران گوتی: پێویستە ئەو ئەندامانەی خێزان کە مافی مانەوەیان هەیە، سەرلەنوێ پێداچوونەوەیان بۆ بکرێت. 

 

ئەمەش بزانە: ئەم ڕێوشوێنەی سوێد، پێچەوانەی یاسای نوێی حکومەتی بەریتانیایە کە بڕیاری ناردنەوەی کۆچبەرانی بۆ  ڕواندا هەڵوەشاندەوە.