توێژینەوەیەک: ئەو پیاوانەی ڕیشیان هەیە بۆ باوکایەتی باشتر و میهرەبانترن

ئاڤا نیوز

 

بە پێی توێژینەوەیەکی نوێ دەرکەوتووە، ئەو پیاوانەی ڕیشیان هەیە بۆ باوکایەتی میهرەبانتر و باشترن.

 

وێنە گەورەکە: توێژینەوەکە لە دوو وڵاتی ئەوروپی کراوە، دەرکەوتووە ئەو پیاوانەی ڕیشیان هەیە زۆربەی کات باوکێکی باشترن بۆ منداڵەکانیان و زیاتر هەوڵ بۆ جێگیری خێزان دەدەن.

 

بڵاوکراوەی فەرمی: توێژەرانی زانکۆی سیلێسیا لە پۆڵەندا و زانکۆی پادۆڤا لە ئیتاڵیا زیاتر لە 400 کەسیان وەرگرتووە کە تەمەنیان لە نێوان 18 بۆ 40 ساڵیە و پرسیاریان لەبارەی پاڵنەرە کۆمەڵایەتییەکانیان لێکردوون.

 

خاڵی ئەرێنی: توێژەران لەبارەی پاڵنەرە کۆمەڵایەتییەکان گەیشتنە ئەو ئەنجامەی، ئەو پیاوانەی ڕیشیان زیاتر بوو کەمتر گرینگیان بەوەداوە کە بەدوای هاوسەردا بگەرێن، بەڵام ئارەزووی زیاتریان بۆ مانەوەی هاوبەشی ژیان و گرنگیدان بە کەسوکاریان هەبووە.