پیسبوونی هەوا دووەم هۆکاری مەترسی مردنە لەسەر ئاستی جیهان

ئاڤا نیوز  

ڕێکخراوی توێژینەوەی سەربەخۆی قازانج نەویست لە ئەمریکا (HEI) بە هاوبەشی لەگەڵ یونیسێف، پیسبوونی هەوا بە دووەم هۆکاری مەترسی مردن لە جیهان دادەنێن، لە دوای بەرزی پەستانی خوێن و تووتنەوە.

بڵاوکراوەی فەرمی: لە دواین ڕاپۆرتی دۆخی ئاسمانی جیهانیدا دەرکەوتووە، لە ساڵی 2021دا بەرکەوتنی پیسبوونی هەوا بووەتە هۆی مردنی هەشت ملیۆن و 100 هەزار کەس لە جیهاندا، لەنێویاندا زیاتر لە 700 هەزار مردن لە منداڵانی خوار پێنج ساڵ بووە.

هۆکارە زانراوەکان: زیاتر لە 70%ی ئەو مردنانە پەیوەندییان بە پیسبوونی هەوای ماڵەوە هەبووە، بەهۆی سووتانی سووتەمەنی ناپاک و سۆپاوە، هەروها پیسبوونی هەوای ناوماڵ ساڵانە دەبێتە هۆی مردنی پێشوەختەی نزیکەی چوار ملیۆن کەس.

باکگراوند: لە ساڵی 2023دا، دەردانی دووەم ئۆکسیدی کاربۆن (CO2) لە جیهاندا گەیشتە بەرزترین ئاستی مێژوویی کە 37 ملیار و 400 هەزار تۆن بووە.