پارتی: بە ئامانجگرتنی هەڤاڵان و کادیرانمان قبوڵکراو نییە

ئاڤا نیوز

مەکتەبی سیاسیی پارتی ڕایدەگەیێنێت، ئەکرەم ساڵح لەکاتی ڕۆیشتنی بۆ ئەرکی فەرمی ڕۆژانەی خۆی لە شاری کەلار، ئۆتۆمبێلەکەی تەقێنراوەتەوە، پێویستە لایەنە پەیوەندیدارەکان بە ئەرکی خۆیان هەڵسن و ئەنجامدەرانی ئەو کردەوە "تیرۆرستیە" بدۆزنەوە و ڕووبەڕووی یاسا بکرێنەوە.

وێنە گەورەکە: ڕۆژی 15-07-2024، ئۆتۆمبێلەکەی ئەکرەم ساڵح، بەرپرسی لقی 22ـی پارتی لە کەلار تەقییەوە، خۆی و شۆفێرەکەی و پاسەوانێکی بەسووکی بریندار بوون.

ڕاگەیێنراوی فەرمی: مەکتەبی سیاسیی پارتی دیموكراتی كوردستان ڕایگەیاند:"ئێمە لەکاتێکدا بە توندی ئیدانەی ئەو کردەوە تیرۆرستیە دەکەین کە هەڤاڵانی پارتیمان کراونەتە ئامانج، داوامان لە دامودەزگاکانی سنوورەکەیە لێکۆڵینەوەی جددی لەو کردەوە نامرۆڤانە و تیرۆرستیە بکەن و ئەنجامدەرانی بۆ پارتیمان و ڕای گشتی و خەڵکی کوردستان ئاشکرا بکەن".

زانیاریی زیاتر: ئەو جۆرە کارە تێکدەرانە کاریگەری دەبێت بۆ سەر سەقامگیری و ئاسایشی هەرێمی کوردستان، بە ئامانجگرتنی هەڤاڵان و کادیرانی پارتیمان لە لایەن هەر لایەن و گروپێکەوە بێت قبوڵکراو نییە و ڕێگا نادەین تێکدەران بە مەرامەکانیان بگەن". مەکتەبی سیاسییی پارتی ئەمەی گوتووە.