دەم پارتی: چاودێریی دۆخی هەرێمی کوردستان دەکەین

ئاڤا نیوز

 

دەم پارتی نیگەرانی خۆی بۆ دۆخی سنوورەکانی هەرێمی کوردستان دەربڕی، ئەمەش بەهۆی دەنگۆی دەستپێکردنی ئۆپەراسیۆنەکانی تورکیا لەو سنوورە.

 

وێنە گەورەکە: دەم پارتی کە پارتێکی کوردی باکووری کوردستانە نەیشاردەوە خواستی تورکیا بۆ ئاساییکردنەوەی پەیوەندییەکانی لەگەڵ سووریا مەبەستێکی لەپشتەوەیە و "دەبێت تورکیا ڕوون و ئاشکرا ئامانجەکەی ڕابگەیێنێت".

 

لێدوانی فەرمی: ئایشەگول دۆغان، گوتەبێژی دەم پارتی گوتی: ئەگەر ڕێککەوتنێک لە نێوان شام و ئەنقەرە و بەغدا و هەولێر بکرێت، پێویستە بۆ ڕێگریکردن لە شەڕ بێت لەسەر خاکی کوردستان، نەوەک جارێکی دیکە هەڵگیرسانی شەڕ و ئاوارەکردنی خەڵکی سەر سنوورەکان.

 

زانیاریی زیاتر: دۆغان ئەوەشی باسکرد، بەوردی چاودێریی دۆخی هەرێمی کوردستان دەکەین و نیگەرانن لەوەی زیان بە خەڵکی ئەو ناوچەیە بگات، ئەمەش لە دوای دەنگۆی دەستپێکردنی ئۆپەراسیۆنەکانی تورکیا لەو سنوورە.