پارێزگای هەولێر پەرە بە پەناگەی سەگە بێلانەکان دەدات

ئاڤا نیوز

 

پارێزگای هەولێر پڕۆسەی پەرەپێدانی پەناگەی بۆ ئاژەڵە بێلانەکانی دەستپێکردووە و 55 ملیۆن دیناری بۆ تەرخان دەکرێت.

 

وێنە گەورەکە: دوای زۆربوونی حاڵەتەکانی گەستنی سەگ، پەناگەی هەولێر بۆ ئاژەڵە بێلانەکان دروستکرا و لە گەڕەکەکان هەڵمەتی کۆکردنەوەی سەگ دەستیپێکرد.

 

لێدوانی فەرمی: ژیار جەلال، بەڕێوەبەری خزمەتگوزاریی ژینگەپارێزی هەولێر بە ئاڤا نیوزی ڕاگەیاند: بۆ پەرەپێدانی پڕۆژەکە 55 ملیۆن دینار تەرخان کراوە، 400 کۆلیت، شەش کەپر و شەش حەوزی ئاو خواردنەوە دروست دەکرێن.

 

ئەوەی پێویستە بیزانیت: تاوەکو ئێستا نزیکەی 10 هەزار سەگی بێلانە لەو پەناگەیە کۆکراونەتەوە، دوای لە زاوزێخستنیان بۆ دەرەوەی شار دووردەخرێنەوە و ئێستا تەنیا دوو هەزار سەگ لە پەناگەکە ماون.