سزای دارایی ئەو شۆفێرانە دەدرێت كە ئۆتۆمبێلە تاكسییەكەیان بێ لۆگۆیە

ئاڤا نیوز 

لە هەرێمی كوردستان، پڕۆسەی لێدانی لۆگۆ لە ئۆتۆمبێلی تاكسی بەردەوامە و سزای دارایی هەر شۆفێرێكیش دەدرێت كە پابەند نەبێت.

 

وێنە گەورەكە: بە بڕیاری حكومەتی هەرێمی كوردستان دەبێت هەموو ئۆتۆمبێلێكی تاكسی  لە هەرێمی كوردستان لۆگۆی لێبدرێت و بەمەبەستی ڕێكخستنەوەی کارەکە پێویستە  زانیارییەكان تۆمار بكرێن هاوكات زیاتر كەسانی دانەمەزراو لە كارەكە سوودمەند بن.

 

لێدوانی فەرمی: دیلان ڕەشاد، گوتەبێژی وەزارەتی گواستنەوە و گەیاندنی هەرێمی كوردستان بە ئاڤا نیوزی گوت: پڕۆسەكە بەردەوامە و هەر ئۆتۆمبێلێكی تاكسی لۆگۆی لێنەدابێت و هەر جارێک بگاتە بازگە كاتییەكانی پۆلیسی هاتووچۆ، پسوولەی پێبژاردنی بۆ دەكرێت.

 

زانیاریی زیاتر: لە کۆی 85 هەزار تاکسی نزیكەی هەزار تاكسی لە هەولێر و شەش هەزار تاكسیی دیكەش لە سنووری پارێزگای سلێمانی ماون كە بێ لۆگۆن، هاوكات هیچ تاكسییەكیش لە سنووری پارێزگای دهۆک نەماوە كە بێ لۆگۆ بێت.