بە گوژمەی 100 ملیار دینار ڕێگەی بەردەڕەش – کەلەک دەکرێتە دووساید

ئاڤا نیوز 

 

ڕێگەی بەردەڕەش - کەلەک کە یەکێک بوو لە ڕێگە مەترسیدارەکان بە گوژمەی 100 ملیار دینار دەکرێتە دووساید. 

 

بۆچی گرنگە: ڕێگەی بەردەڕەش – کەلەک ڕێگەیەکی بازرگانی و نێودەوڵەتییە و هاتووچۆیەکی زۆری لەسەرە، بە دووسایدکردنی ڕووداوەکانی هاتووچۆ و قەرەباڵخی بەشێوەیەکی بەرچاو کەم دەکاتەوە.

 

لێدوانی فه‌رمی: ئیسماعیل مسته‌فا، قایمقامی قه‌زای به‌رده‌ڕه‌ش لە میانەی بەشداریکردن لە بەرنامەی ڕابن ژ خەوێی ئاڤا بەهدینان ڕایگەیاند: ڕەزامەندی دووسایدکردنی ڕێگەی بەردەڕەش - کەلەک دراوە کە بە گوژمەی 100 ملیار دینار جێبەجێ دەکرێت و ئێستا لە دیزایندایە.

 

زانیاریی زیاتر: دوو کۆمپانیا ئامادەییان بۆ جێبەجێکردنی پرۆژەکە دەربڕیوە کە یەکێکیان ناوخۆییە، ڕێگەکە بە درێژایی حەوت کیلۆمەتر دەکرێتە دووساید.

 

لەلایەکی دیکەوە: ئێستا بە گوژمەی 16 ملیار دینار کار لەسەر دروستکردنی شەقامی سەرەکی و ناوخۆی قەزای بەردەڕەش دەکرێت، ئەمە جگە لە دروستکردنی تۆڕی ئاو و بنکەی تەندروستی.