بەریتانیا چەندین پڕۆژە لە هەولێر ئەنجامدەدات

ئاڤا نیوز

کۆنسوڵی بەریتانیا و پارێزگاری هەولێر لە دیوانی پارێزگا گفتوگۆیان لەسەر بەهێزکردنی پەیوەندییەکانی هەردولا کرد، بەریتانیا چەندین پڕۆژە لە هەرێمی کوردستان و هەولێری پایتەخت ئەنجام دەدات.

وێنە گەورەکە: شاندێکی باڵای کۆنسوڵخانەی بەریتانیا سەردانی دیوانی پارێزگای هەولێریان کرد و لەگەڵ ئەنجوومەنی پارێزگا کۆبوونەوە، گفتوگۆیان لەسەر بەهێزکردنی پەیوەندییەکانی هەردوولا کرد.

لێدوانی فەرمی: ئەندرۆ بیزلی، کۆنسوڵی نوێی بەریتانیا لە هەولێر ڕایگەیاند: کۆنسوڵخانە ئاره‌زوومه‌ندن بۆ ئه‌نجامدانی کارو پرۆژه‌ی هاوبه‌ش، ئه‌جێندای داهاتوویان کارکردن ده‌بێت بۆ ئەوەی بزانن لە چ بوارێکدا زیاتر دەتوانن هاوکاری و هەماهەنگی لەگەڵ هەرێمی کوردستان و هەولێر بکەن.

لە لایەکی دیکەوە: ئومێد خۆشناو پارێزگاری هەولێر ڕایگەیاند:" پەیوەندییەکی دێرین لە نێوان هەرێمی کوردستان بەریتانیا هەیە و  هەموو ئاسانکارییەک دەکەین بۆ ئەنجامدانی کار و چالاکییەکانیان لە هەرێمی کوردستان".