توێژینەوەیەک؛ زیادبوونی پارە دڵخۆشترت دەکات

ئاڤا نیوز

بەگوێرەی توێژینەوەیەک، هەرچەندە مرۆڤ دەوڵەمەندتر بێت، بە زیادبوونی سەرمایەکەی دڵخۆشتر دەبێت.

وێنە گەورەکە: پەیوەندی نێوان سەرمایە و خۆشگوزەرانی سنووری نییە، واتە دڵخۆشی ناوەستێت ئەگەر سەرمایە بگاتە ئاستێکی دیاریکرا، بەڵکو بەپێی زیادبوونی سەرمایەش ئاسوودەیی و دڵخۆشی زیاد دەکات.

ئەوەی پێویستە بیزانیت: بەپێی توێژینەوەیەکی زانکۆی بارتۆنی ئەمریکی لەبارەی دڵخۆشیی مرۆڤ، دەرکەوتووە ملیۆنێر و ملیاردێرەکان کاتێک ساڵانە نزیکەی 500 هەزار دۆلاری دیکەیان دەستدەکەوێت، ئەوا دڵخۆشتر دەبن. ئەوەش پێچەوانەی توێژینەوەکانی ڕابردووە، کە باسی لەوە دەکرد "دڵخۆشی مرۆڤ سنووردارە".

زانیاریی زیاتر: بەگوێرەی ئەنجامە سەرەکییەکان، پەیوەندییەکی بەردەوامی ڕاستەوانە لە نێوان سەرمایە و خۆشگوزەرانی هەیە، تەنانەت لە نێو ئەو کەسانەشی زۆر دەوڵەمەندن.

ئەمەش بزانە: هەریەک لە دۆناڵد ترەمپ، واران بافێت و ئیلۆن مەسک و چەندین گەورە دەوڵەمەندی دیکەی ئەمریکا و جیهان دەرچووی زانکۆکەن.