توركیا: دوو بەرپرسی هەواڵگری پەکەکەمان لە ئیستەنبوڵ دەستگیركردووە

ئاڤا نیوز 

دەزگای هەواڵگری تورکیا، دەستگیرکردنی دوو بەرپرسی هەواڵگری پەکەکەی لە ئیستەنبوڵ ڕاگەیاند، پەكەكەش هیچ شتێكی لەوبارەیەوە نەگوتووە.

وێنە گەورەکە: هەواڵگری توركیا ڕایگەیاند، لە ئۆپەراسیۆنێکی هاوبەشی نێوان میت و بەڕێوەبەرایەتی ئاسایشی تورکیا، هەریەک لە سادق تۆپلوئۆغلو و مێهمێت سەڤاش، بە تۆمەتی ئەندام بوون لە پەكەكە و بە دیاریكراوی هەواڵگری ئەو حیزبە لە ئیستەنبوڵ دەستگیرکران.

راگەيێنراوی فەرمی: هەواڵگری تورکیا ڕایگەیاند: "ئەو دوو کەسە ماوەیەکی زۆرە لەلایەن دەزگای هەواڵگری و بەڕێوەبەرایەتی ئاسایشی ئیستەنبوڵ بە وردی  چاودێری دەکرێن، لە ژێر پەردەی ڕۆژنامەگەری زانیارییەکانی دەوڵەتیان بۆ قەندیل" گواستووەتەوە".

زانیاریی زیاتر: "تۆپاڵئۆغلو لەچیای قەندیل خولی هەواڵگری وەرگرتووە، لەو ماوەیەدا لەلایەن جەمیل بایک، یەکێک لە دامەزرێنەرانی پەكەكە چەند جارێک ڕێنمایی وەرگرتووە، هەروەها مێهمێت سەڤاش پێشووتر بەرپرسی دارایی باڵی پەکەکە بووە لە سووریا". هەواڵگری توركیا وادەڵێت.

بۆچوونی لایەنی بەرامبەر: هەواڵەکە تاوەکو ئێستا لەلایەن پەکەکەوە پشتڕاست نەکراوەتەوە.