ئیسپانیا و ئەڵمانیا چوار کەسی پەیوەندیدار بە حیزبوڵڵا دەستگیر دەکەن

ئاڤا نیوز

لە ئیسپانیا سێ کەس بە تۆمەتی ئەندامێتیی لە حیزبوڵڵای لوبنان و لە ئەڵمانیاش کەسێک بە تۆمەتی ناردنی کەرەستە بۆ درووستکردنی درۆن بۆ حیزبوڵڵا دەستگیر کران. 

وێنە گەورەکە: دەستگیرکراوەکان یارمەتیی حیزبوڵایان داوە تا بتوانن توانا سەربازییەکانی خۆیان بۆ هێرشکردنە سەر ناوچەکانی باکووری ئیسرائیل زیاتر بکەن.

ئەوەی پێویستە بیزانیت: بەرپرسانی ئیسپانیا لەو باوەڕەدان کە حیزبوڵڵا توانیویەتی بە سوودوەرگرتن لەو کەرەستانەی کە بۆی نێردراوە سەدان درۆن دروست بکات.

زانیاریی زیاتر: حیزبوڵڵا لەلایەن ئێرانەوە پاڵپشتی دەکرێت و بۆ پشتیوانیکردن لە حەماس هێرش دەکاتە سەر ئیسرائیل.