سێ یەکەمەکەی سلێمانی لەو قوتابخانانەن کە بایکۆتی خوێندنیان نەکردبوو

ئاڤا نیوز

 

بایکۆتی خوێندن لە سلێمانی ڕەنگدانەوەی لەسەر ژمارەی دەرچوونی پۆلی 12ی ئامادەیی هەبووە. سێ یەکەمەکەی هەرێمی کوردستان لە سلێمانین و دەرچووی ئەو قوتابخانانەن کە بایکۆتی خوێندنیان نەکردبوو.

 

بۆچی گرنگە: بەهۆی بایکۆتی خوێندن لە قوتابخانەکانی سلێمانی و ئیدارەکانی گەرمیان و ڕاپەڕین لە نیوەی یەکەم و دووەمی ساڵ،  کاریگەری و ڕەنگدانەوەی نەرێنی لەسەر ڕێژەی دەرچوونی پۆلی 12 هەبووە.

 

وێنە گەوەرەکە: ئالان حەمەسەعید، وەزیری پەروەردەی حکومەتی هەرێمی کوردستان لە كۆنفرانسێكی ڕۆژنامەوانیدا ئەنجامی تاقیكردنەوە گشتییەكانی پۆلی 12ی ئامادەیی بە هەموو بەشەکانییەوە بۆ ساڵی خوێندنی 2023-2024 ڕاگەیاند.

 

زانیاری تایبەت: بەهۆی بایکۆتی خوێندن لەلایەن مامۆستایانەوە لە سنووری پارێزگای سلێمانی، نیوەی یەکەم و بەشێک لە نیوەی دووەمی ساڵی خوێندنی 2023-2024 فەوتا، ئەمەش کاریگەریی نەرێنی لەسەر پرۆسەی خوێندن و دەرچوونی قوتابیانی پۆلی 12ی ئامادەیی هەبووە.

 

زانیاری زیاتر: یەکەمەکانی سەر ئاستی سلێمانی لەو قوتابخانانەن کە بایکۆتی خوێندنیان تێدا نەکراوە، پرۆسەی خوێندن تێیاندا بەردەوامی هەبووە.

 

ئەوەی پێویستە بیزانیت: هەر سێ یەكەمی سەر ئاستی هەرێمی كوردستان لەو قوتابخانانەن کە بایکۆتی خوێندنیان تێدا نەکرابوو لە سنووری پارێزگای سلێمانی و كۆنمرەی 100یان هێناوە.

1.⁠ ⁠دیما  هیوا علی محەممەد ئەمین، پارێزگای سلێمانی، بە کۆ نمرەی 700.

2.⁠ ⁠ئاران لوقمان حەمەغەریب حەمەسەعید، پارێزگای سلێمانی، بە کۆ نمرەی 700.

3.⁠ ⁠ئەژى دارا جەلال ئەحمد، پارێزگای سلێمانی، بە کۆ نمرەی 700.