ئەمساڵ گزیکردن لە تاقیکردنەوەکان 80٪ کەمیکردووە

ئاڤا نیوز

ساڵانە لەگەڵ دەستپێکی تاقیکردنەوەکانی پۆلی 12 وەزارەتی پەروەردە میکانیزمی دەگرتەبەر بۆ ڕێگری لە (گزی-قۆپییە)کردن، ئەمساڵ بەهۆی چەند ڕێکارێک %79.6 حاڵەتەکانی گزیکردن کەمیان کردووە.

وێنە گەورەکە: ئێوارەی ئەمڕۆ هەینی وەزیری پەروەردەی حکومەتی هەرێمی کوردستان لە کۆنگرەیەکی ڕۆژنامەنووسی ئەنجامی تاقیکردنەوەی پۆلی 12ی ڕاگەیاند.

لێدوانی فەرمی: ئالان حەمەسەعید، وەزیری پەروەردە لەکاتی ڕاگەیاندنی ئەنجامی تاقیکردنەوەکان گوتی: ئەمساڵ خۆم سەرپەرشتی ڕووبەڕووبونەوەی حاڵەتەکانی گزیکردنم کردووە، ساڵی پار 250 حاڵەتی گزیکردن هەبوو، بەڵام ئەمساڵ بە هاوکاری دەزگا ئەمنییەکان و تیمی تەکنیکی وەزارەت گزیکردنمان بۆ 51 حاڵەت کەمکردەوە.

ئەوەی پێویستە بیزانیت: بەگوتەی وەزیری پەروەردە، سیستمی تاقیکردنەوەی هەرێمی کوردستان بە جۆرێکە لەسەر ئاستی ڕۆژهەڵاتی ناوەڕاست بێوێنەیە، تەنانەت ئەگەر پرسیارێک وێنەی بگیرێت دەزانرێت لەکام هۆڵی تاقیکردنەوە وێنەی گیراوە.