دوو ساڵە یەکەمەکان لەو قوتابخانانەن بایکۆتیان نەکردووە

ئاڤا نیوز

وەزیری پەروەردە ڕایگەیاند، ئەوانەی ئەمساڵ لە پارێزگای سلێمانی یەکەم بوون لەو قوتابخانەن ساڵنامەی وەزارەتی پەروەردەیان جێبەجێ کردووە و بایکۆتیان نەکردبوو.


وێنە گەوەرەکە: ئێوارەی ئەمڕۆ هەینی ئالان حەمەسەعید، وەزیری پەروەردەی حکومەتی هەرێمی کوردستان لە كۆنفرانسێكی ڕۆژنامەوانیدا ئەنجام و وردەکاریی تاقیكردنەوە گشتییەكانی پۆلی 12ی ئامادەیی بە هەموو بەشەکانییەوە بۆ ساڵی خوێندنی 2023-2024 ڕاگەیاند.


لێدوانی فەرمی: ئالان حەمەسەعید گوتی: هەموو قوتابییە یەکەمەکان لە بەشی زانستی لە پارێزگای سلێمانین، بەڵام لەو قوتابخانەن کە لە 1-3-2024 تاقیکردنەوەی وەرزی یەکەم و لە 14-4-2024 تاقیکردنەوەی وەرزی دووەمیان کردبوو.


بەراوردەکە بەمجۆرەیە: ساڵی ڕابردوو یەکەمەکەی هەرێمی کوردستان دووانیان لە پارێزگای سلێمانی و ئەوەی دیکەیان لە ئیدارەی گەرمیان بوو.

یەکەم لە دواناوەندی شەهید جەبار بە سیستمی خوێندنی ئینگلیزی لە پەروەردەی ڕۆژئاوای سلێمانی.

یەکەم لە ئامادەیی کۆلێژی سەڵاحەدینی ئەیوبی بە سیستمی ئینگلیزی لە پەروەردەی ڕۆژئاوای سلێمانی. 

یەکەم قوتابخانەی شەهید ئارام بە سیستمی خوێندنی کوردی لە قوتابخانەی شەهید ئارام لە سلێمانی.


ئەمساڵ ئەنجامەکە بەمجۆرەیە: تەنیا سێ قوتابی کۆنمرەی 700 یان هێنابوو، هەرسێکیان کچ بوون  و لە بەشی زانستی بوون:

یەکەم دیما  هیوا عەلی محەممەد ئەمین لە ئامادەیی ڕەنگین لە پەروەردەی ڕۆژئاوای سلێمانی.

یەکەم ⁠ئاران لقمان حەمە غەریب حەمەسعید لە دواناوەندی شەهید جەبار بە سیستمی خوێندنی ئینگلیزی لە پەروەردەی ڕۆژئاوای سلێمانی.

یەکەم ⁠ئەژى دارا جلال ئەحمەد لە ئامادەیی سەڵاحەدینی ئەیوبی بە سیستمی ئینگلیزی.

ئەمەش بزانە: ئەمساڵ 122 هەزار و 15 قوتابی لە سەرتاسەری هەرێمی کوردستان بەشداریی تاقیکردنەوەکانی پۆلی 12 یان کرد.