لەسەر ئاستی هەرێمی كوردستان 43 كەس یەکەم و دووەم و سێیەم بوون

ئاڤا نیوز

لەسەر ئاستی هەرێمی كوردستان لە هەرسێ بەشی زانستی و وێژەیی و پیشەیی 43 كەس یەکەم و دووەم و سێیەم بوون، زۆربەشیان لە پارێزگای سلێمانین.

وێنە گەورەكە: ئێوارەی ئەمڕۆ هەینی ئەنجامی تاقیكردنەوەكانی پۆلی 12ی ئامادەیی ڕاگەیێنرا و ئالان حەمەسەعید، وەزیری پەروەردە وردەکاریی پرۆسەکەی ئاشکراکرد.

ژمارەكان وادەڵێن: لە سلێمانی 24 قوتابی، لە هەولێر نۆ قوتابی، لە دهۆك سێ قوتابی، لە هەڵەبجە دوو قوتابی، لە گەرمیان دوو قوتابی و لە ڕاپەڕین سێ قوتابی لە یەكەم و دووەم و سێیەمەکانن.

یەكەم و دووەم و سێیەمەکان بەمشێوەیەن:


بەشی وێژەیی: لە پارێزگای دهۆك یەک کەس یەكەم و لە پارێزگای هەڵەبجە یەک کەس دووەم و لە پارێزگای هەولێر یەک کەس سێیەم بوون.

بەشی زانستی: پارێزگای سلێمانی سێ یەكەم، حەوت دووەم و حەوت سێیەم. گەرمیان یەك كەس پلەی دووەم و یەك قوتابی لە پلەی سێیەم، پارێزگای هەڵەبجە یەك قوتابی لە پلەی یەكەم، ڕاپەڕین یەك قوتابی لە پلەی یەكەم و دوو قوتابی لە پلەی سێیەم و دهۆك یەك قوتابی لە پلەی سێیەم.

بەشە پیشەییەکان:

لە پارێزگای هەولێر یەك قوتابی یەكەم و دوو قوتابی دووەم و یەك قوتابی سێیەم بوون. لە پارێزگای سلێمانی سێ قوتابی یەكەم و دوو قوتابی دووەم و دوو قوتابی سێیەم بوون. لە پارێزگای دهۆكیش یەك قوتابی پلەی سێیەمی بەدەستهێنا.


بەشی پیشەسازی: یەكەم لە پارێزگای سلێمانی و دووەم لە پارێزگای هەولێر و سێیەم لە پارێزگای سلێمانی بوو.

 بەشی بازرگانی: یەكەم لە پارێزگای هەولێر و دووەم لە پارێزگای سلێمانی و سێیەم لە پارێزگای دهۆك بوو.

بەشی كشتوكاڵی: پلەی یەكەم لە ئاستی كوردستان لە پارێزگای سلێمانی و دووەم لە پارێزگای هەولێر و سێیەمیش هەر لە پارێزگای هەولێر بوو.

بەشی گەشتوگوزار: یەكەم و دووەم و سێیەم لە پارێزگای سلێمانی بوون.