پێشمەرگەیەک دوای هەشت ساڵ توانی لە پۆلی 12 دەربچێت

ئاڤا نیوز 

قوتابییەکی قوتابخانەی ئاکرێی ئێواران کە پێشمەرگەشە، باس لەوە دەکات دوای هەشت ساڵ توانیویەتی لە وانەی ئینگلیزی 50 بهێنێت و پۆلی 12 ببڕێت.

وێنە گەورەکە: ئێوارەی ڕۆژی 19-7-2024، ئالان حەمەسەعید، وەزیری پەروەردەی حکومەتی هەرێمی کوردستان، نمرەی پۆلی 12ی وێژەیی و زانستی و پیشەییەکانی ڕاگەیاند.

لێدوانی فەرمی: سلێمان خەلیل، بە ئاڤا نیوزی گوت: لە ساڵی 2016ەوە پۆلی 12ی ئامادەییم و لەوانەی ئینگلیزی مابوومەوە، ئەمساڵ توانیم لەو وانەیە 50 بهێنم و کۆنمرەم 53 یە.

زانیاریی زیاتر: "لە ڕێگەی ئاڤا میدیاوە داوا دەکەم لە زانکۆکانی حکومی لە بەشی مێژوو وەرمبگرن، چونکە ناتوانم بچمە زانکۆی تایبەت و خولیای بەردەوامیدان بە خوێندنم هەیە". سلێمان خەلیل وای گوت.

باكگراوند: سلێمان خەلیل لە ساڵی 1986 لەدایکبووە و لە 1992 چووەتە قوتابخانە، لە 2006 دەبێتە قوتابی دەرەکی هاوکات دەبێت بە پێشمەرگە.